Tutorial | Elements of design

Элемэнты дызайну

Наступныя элемэнты — будаўнічыя блёкі дызайну.

Лінія

Лінія вызначаная як знак з даўжынёй і напрамкам, створаны пунктам, які рухаецца праз паверхню. Лінія можа мець розную даўжыню, таўшчыню, напрамак, крывіню й колер. Лінія можа быць дзьвюхвымернай (лінія алоўка па паперы) ці меркавацца трохвымернай.

Фіґура

Плоская фіґура атрымоўваецца, калі існая ці меркаваная лініі сустракаюцца, каб абмежаваць прастору. Зьмена колеру ці адценьня можа вызначыць фіґуру. Фіґуры могуць быць падзеленыя на некалькі відаў: ґеамэтрычныя (квадрат, трохкутнік, акружына) і натуральныя (зь няправільным контурам).

Памер

Гэта датычыцца адрозьненьняў у прапорцыях аб'ектаў, ліній ці фіґур. Адрозьненьні памераў аб'ектаў могуць быць сапраўднымі ці ўяўнымі.

Прастора

Прастора — гэта пусты ці адкрыты абсяг між, вакол, над, пад ці ўнутры аб'ектаў. Фіґуры й формы ствараюцца прасторай вакол і ўнутры іх. Прастора часта завецца трохвымернай ці дзьвюхвымернай. Дадатная прастора — запоўненая фіґурай ці формай. Адмоўная прастора акружае фіґуру ці форму.

Колер

Колер — гэта ўспрымальная характарыстыка паверхні, адпаведная даўжыні хвалі сьвятла, адбітага ёй. Колер мае тры вымеры: адценьне (іншае слова для колеру, пазначанае ягонай назвай, такой як «чырвоны» ці «жоўты»), яркасьць (ягоная сьветласьць ці цёмнасьць), інтэнсіўнасьць (насычанасьць ці прыглушанасьць).

Тэкстура

Тэкстура — гэта як адчуваецца паверхня (існая тэкстура) ці як яна можа выглядаць (меркаваная тэкстура). Тэкстуры апісваюцца словамі, такімі як грубая, аксамітная ці галечная.

Яркасьць

Яркасьць — гэта як цёмна ці як сьветла нешта выглядае. Мы дасягаем зьменаў яркасьці дадаючы чорнага ці белага да колеру. Сьветлацень выкарыстоўвае яркасьць робячы драматычны кантраст сьветлых і цёмных месцаў кампазыцыі.

Асновы дызайну

Асновы выкарыстоўваюць элемэнты дызайну, каб стварыць кампазыцыю.

Балянс

Балянс (вага) — гэта адчуваньне візуальнай роўнасьці фіґураў, формаў, яркасьцяў, колераў і г.д. Балянс можа быць сымэтрычным або роўнаўзважаным, ці асымэтрычным або няроўнаўзважаным. Аб'екты, яркасьці, колеры, тэкстуры, фіґуры, формы й г.д. могуць выкарыстоўвацца каб стварыць балянс у кампазыцыі.

Кантраст

Кантраст — гэта непасрэднае суседства супрацьлеглых элемэнтаў

Вылучэньне

Вылучэньне выкарыстоўваецца каб пэўныя часткі твора вызначаліся й прыцягвалі вашую ўвагу. Цэнтар інтарэсу ці вузлавы пункт — гэта месца працы, куды спачатку скіроўваюцца позіркі.

Прапорцыя

Прапорцыя апісвае памер, месца ці важнасьць адной рэчы, параўнальна да іншай.

Узор

Узор ствараецца паўтарэньнямі элемэнта (лініі, фіґуры ці колеру) зноў і зноў.

Пераход

Пераход памеру й напрамку стварае лінейную пэрспэктыву. Пераход колеру ад цёплага да халоднага й тону ад цёмнага да сьветлага стварае паветраную пэрспэктыву. Пераход можа дадаць фіґуры цікавасьці й рухавасьці. Пераход ад цёмнага да сьветлага прымусіць вочы рухацца ўздоўж фіґуры.

Кампазыцыя

Спалучэньне асобных элемэнтаў, каб ён складаў цэлае.

Бібліяґрафія

This is a partial bibliography used to build this document (links may no longer work today or link to malicious sites now, click with care).

• http://www.makart.com/resources/artclass/EPlist.html

• http://www.princetonol.com/groups/iad/Files/elements2.htm

• http://www.johnlovett.com/test.htm

• http://digital-web.com/articles/elements_of_design/

• http://digital-web.com/articles/principles_of_design/

Special thanks to Linda Kim (http://www.coroflot.com/redlucite/) for helping me (http://www.rejon.org/) with this tutorial. Also, thanks to the Open Clip Art Library (https://openclipart.org/) and the graphics people have submitted to that project.